SA vervoerminister hoop om teen 2029 jaarliks 250-miljoen ton goedere per spoor te vervoer

Nuus · Oct 13, 2026 · 1m

Die Suid Afrikaanse minister van Vervoer, Barbara Creecy, sê gereelde instandhouding van die spoor-netwerk is noodsaaklik om vragvervoer teen 2029 tot 250-miljoen ton per jaar te verhoog. Sy het die opmerkings Maandag gemaak tydens ’n oorsig-besoek aan die instandhouding-sluiting aan die yster-erts-spoorlyn in die Noord-Kaap. Die sluiting duur tot 16 Oktober, met herstelwerk wat daarop gemik is om spoorveiligheid en -betroubaarheid te verbeter. Creecy sê betroubare infrastruktuur is noodsaaklik om vertroue in vragspoorvervoer te herstel.